ان قلت آسف تقبلين ..؟؟ <<<< رووعه

مــــرحبــااا حــبايــب قلبــي ...
شووفوو هذي قصيدة كااتبهاا واحــد لبنت بسبب موقف صاار اللي هو ..
بنت كاانت تطالع هالرجال بعين قوويه حاطه عينهاا بعينه
والرجال طلع شااعر وماقصرر فيهاا بهالبيتين ...
كل شبر بهالوسيعه ملك ربي تعلمين
واعلم ان اللي خلقني خلق لك هالعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسوون
لو سمحتي عاد اسمعي وحتى لو ماتسمحين
المهم اللي بقوله تسمعينه ويسمعون
ع الاقل ليا نظرتك سوي روحك تستحين
غضي طرفك مثل غيرك خاف ربعي يلمحون
الركاده عاد زينه والحياء فالبنت زين
وفيك جازم لاركاده ولا حياء يذكرون
تعرفيني ؟؟ اعرفك ؟؟ ماذكر انا ملتقين
لا اعرفك من تكوني ولا تعرفي من اكون
واطمأني ان كان قصدك بس فيني تشبهين
ما هو انا الي تعرفه والبشرر يتشاابهوون
مادريتي من التشابه يخلق الله اربعين
واعرف اربع يشبهنك بس والله يستحوون
وان كان قصدك شي ثااني عاد قولي وش تبين
خايف انا نصير فرجه واللي ماشترو يتفرجوون
واذا ببالك عاجبتني لا يوحشك تحلمين
صح ربعي من جمالك صارو فيك يمدحون
بس وش لي في حلاتك دام فيها ترخصين
حشمة البنت وحياها والكرامه يلفتون
ولو توفر فيك هذا من حلاتك تبشرين
ماهو انا ألف غيري باب بيتك يطرقون
وش علامك رغم كل اللي اقوله وتسكتين
مو طبيعي هالسكوت وهالبرود وهالسكون
انتي خرسا أسالك ولا منتي تسمعين ؟؟
قالو ربعي ذي كفيفه قلت لالا تمزحون
لين شفتك يوم رحتي يمسكونك باليدين
مادريت الا وعيوني اربع اربع يذرفوون
آه ياني منه مشهد يوم شفتك ترحلين
جيت اشووف عيون ربعي الا وكلهم يدمعون
قلت سنة هالحياة وحنا ترانا مؤمنين
الله اللي مسيرنا بين كاف وبين نون
وكل ابونا نختلف مع اننا من اصل طين
سبحان اللي مصورنا والله في خلقه شؤون
يعني حنا كل ابونا عاد اسمنا نادمين
وليا قضى ربك امر قال له كن فيكون
وتدري عاد يالكفيفه حنا ترىمتشابهين
وان ما انعمت ابصارنا قلوبنا هم اللي يعتمون
يالكفيفه يالعفيفه ان قلت اسف تقبلين ..؟؟

وهذا كل اللي صااار ...